Бу күннэргэ Баахынай нэһилиэгин эр дьоно муус ыллылар уонна ол муустарын нэһилиэк кырдьаҕастарыгар буос босхо тиэртилэр. Муус ылыытын субуотунньугун Лииндэ нэһилиэгин дьаһалтата көҕүлээтэ.
Баахынай нэһилиэгин олохтоохторо, ыччата түмсэ түстүлэр да ханнык баҕарар үлэни көҕүлүттэн туталлар. Ол курдук, өрөбүл күн күргүөмүнэн тахсан Баахынай үрэҕэр муус ыллылар.
-Нэһилиэкпит эр дьонугар, ыччатыгар, баһылыкпытыгар Николай Антоновка тиэргэммэр тиэрдэн биэрбит ыраас муускут иһин барҕа махталбын тиэрдэбин. Кырдьаҕас дьон кыһалҕатын, наадатын өйдөөн маннык субуотунньуктары тэрийэргит хайҕабыллаах дьыала буолар. Үтүөҕүт үтүөнэн эргийдин, доруобай, дьоллоох, бу курдук куруук түмсүүлээх, эйэлээх эрэ буолуҥ, — диэн махтанна Баахынай нэһилиэгин олохтооҕо Ульяна Семеновна Ильинова.