«Дюмия” культура киинин үлэһитэ Михаил Ефимов –Бэрт Мэхээлэ дьоҥҥо-сэргэҕэ тылынан-өһүнэн, көрүнэн-күлүүтүнэн, ырыатынан-тойугунан бэркэ биллэр, сэргэнэр киһи. Онон «бенефис бэлэмниир үһү” диэн сураҕы истэн, көрөөччүлэр эрдэттэн билиэт атыылаһан, сэтинньи 30 күнүгэр сааланы толору муһуннулар. Кэнсиэрин иннинэ Михаил Ивановичка “Эдьигээн улууһун бочуоттаах олохтооҕо” аат иҥэриллэн оройуон баһылыгын солбуйааччы Дмитрий Татаринов туттарбытын, саала хабыллар ытыс тыаһынан көрүстэ.
Бу киэһэ Бэрт Мэхээлэ биир идэлээхтэрин, табаарыстарын мунньан, сүнньүнэн эр дьон кыттыылаах кэнсиэр программатыгар фольклор көрүҥнэрэ тойук, чабырҕах, олоҥхо, хомус , көрдөөх сценкалар, булчут кутаа тула ырыалара киирдилэр. Ол курдук,фольклор бөлөҕө, “Дулин Буга” эр дьон вокальнай ансамбла, “Хотугу хоһууттар» аҕалар түмсүүлэрэ, “Чолигда” драматическай студия, биирдиилээн толорооччулар Варвара Васильева, Сергей Корякин, Лена Сыроватская, Изабелла, Семен Ивановтар дуэттара, «Урун”, “Осиктакан” үҥкүү ансамблара кытыннылар.
Кыра сааһыттан булт абылаҥар ылларбыт киһиттэн табыллыбыт көрөөччүлэр, кэнсиэри астына көрөн, өссө эбиитин киирии билиэттэринэн кус-хаас, араас балык кэһии тутан, илии тутуурдаах,өттүк харалаах дьиэлэригэр төнүннүлэр.
