Сылын аайы Бэстээх нэһилиэгин күнүн олохтоохтор балаҕан ыйыгар бэлиэтииллэр. Ол курдук, балаҕан ыйын 28 күнүгэр сардыардаттан ДЭС уонна ОДьКХ үлэһиттэрин күүстэринэн футболлуур хонуу көбүөрдэрин площадкаҕа таһыы уонна улахан турбалары дьаарыстааһын субуотунньуга ыытылынна. Киэн туттар биир дойдулаахтара, сахалартан бастакы Олимпийскай чемпион Роман Дмитриевка анаммыт музей дьиэтин сарайа сабыллынна.
-Эбиэт кэннэ Бэстээх Өрөгөй ырыатынан тэрээһин арыллыыта буолла. Арассыыйаҕа Дьиэ кэргэн, СӨ Оҕо саас сылларыгар аналлаах сүүрүү күрэҕэ уолаттар ансамбылларын «Уол оҕото» диэн ырыаларынан саҕаланна. Алик Ефремов «Мин дойдум Бэстээҕим» диэн Сергей Иванов хоһоонун доргуччу аахта. Эрдэ биллэриллибитин курдук «Кросс нации – 2024» кыралыын, улаханныын бары кыттыыны ыллылар. Ол кэннэ дьиэ кэргэттэр икки ардыларыгар эстафета буолан ааста.Манна бастакы миэстэнэ Мария Корякина, иккис миэстэни Мария Гаврильева уонна үһүс миэстэни Иванна Пахомова дьиэ кэргэттэрэ ыллылар. Дьаһал учууталга аналлаах хоһоон күрэҕэр кыттыбыт Анастасия Егоровна Иванова хоһоон ааҕыытынан түмүктэннэ, — диэн иһитиннэрэр «Сарыал» сынньалаҥ киинэ.