Олунньу 15-16 күннэригэр Дьокуускайга «Модун» спорт киинигэр сахалыы остуол оонньууларын Федерациятын төрүттээччи Андрей Донской аатынан хабылык уонна хаамыска өрөспүүбүлүкэтээҕи чөмпүйэнээтэ ыытыллынна. Күрэххэ 24 хамаандаттан 180-тан тахса кыттааччы 80 путевка иһин кииристилэр. Эдьигээн оройуонуттан Саргылаана Яковлева, Анатолий Егоров, Ньургуйаана Сергеева, Уруйдаан Сивцев, Даша Павлова, Константин Овчинников кыттыыны ылан, XXII төгүлүн ыытыллар «Манчаары оонньуулара-2025» спартакиадаҕа кыттарга үс путевканы туттулар.
Турнир түөрт көрүҥүнэн: хабылыкка, 5 тоҥсуурдаах хаамыскаҕа, 7 тоҥсуурдаах хаамыскаҕа уонна умсаахха ыытылынна. Күрэх түмүгүнэн Саргылаана Яковлева VII, Ньургуйаана Сергеева XI, Даша Павлова XVI миэстэлэри ылары ситистилэр уонна үс путевканы туттулар.