Муус устар 26 күнүгэр «Бастыҥ саха тылын уонна литературатын кабинета» диэн өрөспүүбүлүкэтээҕи күрэх түмүгэ билиннэ. Бу күрэххэ 45 сайаапка киирбититтэн 18 эрэ кыттааччы финалга тахсыбыт. Хотугу улуустар оскуолаларын икки ардыларыгар кыайыылааҕынан Эдьигээн орто оскуолатын саха тылын уонна литературатын кабинета ааттанна.
Күрэҕи СӨ үөрэҕириитин министерствота, СӨ үөрэх үлэһиттэрин профсоюзтарын комитета, С.Н. Донской –II аатынан СӨ идэтийиигэ эбии үөрэхтээһинин автономнай тэрилтэтэ
Yөрэ5и сайыннарар уонна идэни үрдэтэр института олунньу 16 күнүттэн муус устар 20 күнүгэр дылы тэрийэн ыыттылар.
Дистанционнай күрэх сүрүн сыалынан-соругунан саха тылын учууталларын айымньылаах үлэлэрин сайыннарыы, сатабылларын үрдэтии, саҥа технологиялары, инновацияны туһаныы, бастыҥ уопуту арыйыы буолар. Кыттааччылар икки түһүмэххэ кииристилэр. Бастакы түһүмэххэ саха тылын уонна литературатын кабинетын үлэтин, ис-тас көстүүтүн билиһиннэрэр видеоролигы оҥорон ыыттылар. «Айымньылаах лаборатория» диэн иккис түһүмэххэ саха тылын уонна литературатын учууталлара бэйэлэрин уопуттарыттан маастар-кылаастары көрдөрдүлэр.
-Олус кэрэхсэбиллээх, баай ис хоһооннох күрэх буолан ааста. Биһиги оскуолабыт саха тылын уонна литературатын кабинета бастыҥнар истэригэр киирбитэ биһиэхэ олус суолталаах уонна улахан кыайыынан буолар. Ол курдук, оскуолабыт саха тылын уонна литературатын учууталларын — Охлопкова Т.В., Дьяконова А.П., Алексеева А.Н., Иванова М.И. өҥөлөрүнэн, сыралаах үлэлэрин түмүгүнэн кыайыы өрөгөйүн биллибит. Биһиги учууталларбыт методика өттүнэн уратылара диэн «Айымньы алыптаах эйгэтэ» оҕолор аахпыт сахалыы айымньыларынан уруһуйдаан открытка комплектарын оҥороллор. Ону сэргэ «Чөмчүүк айымньылар» сирдьит тиһиллэн тахсыбыта буолар. Ону сэргэ кабинеты уруһуйунан киэргэтиигэ, оҥорууга оскуола директорын Корякина Л.П., хаһаайыстыба өттүнэн солбуйааччыта Митясова Е.В. тус хонтуруолларынан улахан кылааттарын Осипов З.М., Леонтьева А.А., Протопопова В.В. киллэрдилэр. Күрэххэ кыттарбытыгар техническэй өттүнэн көмөлөспүт Софронеев Н.Д. уонна Аполлонова М.С. махталбытын тиэрдэбит. Бу курдук биир сомоҕо буолан, күүстээх үлэни ыытан кыайыыны ситистибит. Күрэх түмүгүнэн саха тылын кабинетыгар учебно-методическай литературанан хааччыллыыга сертификат туттубут, — диэн кэпсээтэ Эдьигээн орто оскуолатын директорын наука уонна методика өттүнэн солбуйааччы Раиса Николаевна Петрова.