А5а дойдуну көмүскээччилэр күннэрин көрсө, олунньу 22 күнүгэр Эдьигээн орто оскуолатыгар «Эрчимэн-2025» оройуоннааҕы күрэх буолан ааста. Күрэххэ 8-10 кылаастарга үөрэнэр тоҕус уолан эт-хаан өттүнэн, култуурунай чааска күөн көрүстүлэр. Быйылгы күрэх кыттааччыларынан Эдьигээн орто оскуолатын 9 кылааһын үөрэнээччилэрэ Михаил Христофоров, Максим Охлопков, Поливан Никитин, 8 кылаас үөрэнээччилэрэ Максим Федотов, Остап Анисимов, Виктор Корнилов, Родиман Алексеев, 10 кылаас үөрэнээччитэ Модест Иванов уонна Кыстатыам оскуолатын 9 кылааһын үөрэнээччитэ Сергей Захаров буоллулар.
Күн бастакы аҥарыгар кыттааччылар О5о спортивнай оскуолатыгар «Өбүгэ суолунан» национальнай спорт 8 көрүҥэр тыҥааһыннаах киирсиилэри көрдөрдүлэр. Тэрээһин кыттааччылар сэлэлии хаамыыларыттан уонна Арассыыйа өрөгөй ырыатын толорууттан саҕаланна.
Киирсиилэр түмүктэринэн наартаны ойууга 66 ыстанан Сергей Винокуров тэҥнээхтэрин булбата, II миэстэ — Поливан Никитин (59), III миэстэ — Родиман Алексеев (59). Өһөс торбоско Максим Федотов кыайыы өрөгөйүн биллэ, II миэстэ — Михаил Христофоров, III миэстэ — Родиман Алексеев. КырынаастааҺыҥҥа Модест Иванов кыаҕын арыйда, II миэстэ — Остап Анисимов, III миэстэ — Сергей Захаров. Ойбонтон уулааҺыҥҥа Сергей Винокуров маастарыстыбатын көрдөрдө, II миэстэ — Остап Анисимов, III миэстэ — Виктор Корнилов. Мас тардыһыыга Максим Федотов кыайыылааҕынан таҕыста, II миэстэ — Максим Охлопков, III миэстэ — Михаил Христофоров. 15 тутум эргийэн Сергей Винокуров кыайда-хотто, II миэстэ — Поливан Никитин (4 тутум), III миэстэ — Остап Анисимов (4 тутум). Ох саанан ытыыга Остап Анисимов эрэ сыалын табан бастакы миэстэҕэ таҕыста, II миэстэ — Родиман Алексеев, III миэстэ — Максим Федотов. Үстэ куобахтааҺыҥҥа бастаата Сергей Захаров, II миэстэ — Поливан Никитин, III миэстэ — Остап Анисимов.
Култуурунай чааска уолаттар бэйэлэрин билиһиннэрдилэр, талааннарын арыйдылар, саха тылыгар, СӨ сыһыаннаах ыйытыктарга эппиэттээтилэр, күндүөбэйи астаатылар, национальнай таҥастарын таҥнан хааман көрдөрдүлэр.
Күрэх түмүгүнэн «Хорсун уолан» анал ааты ылла Михаил Христофоров, «Сымса уолан» — Виктор Корнилов, «Быһый уолан» — Поливан Никитин, «Уус тыллаах уолан» — Максим Охлопков, «Дьоҕурдаах уолан» — Модест Иванов, «Мындыр уолан» — Родиман Алексеев, үһүс миэстэҕэ тигистэ Максим Федотов, иккис миэстэни ылла Остап Анисимов уонна күрэх кыайыылааҕынан Сергей Винокуров ааттанна.
Күрэх кыайыылааҕа кубогынан, мэтээлинэн, призердар мэтээллэринэн, анал аакка тиксибиттэр грамотанан уонна өйдөбүнньүк бириистэринэн наҕараадаланнылар. Тэрээһини «Патриоты» (салайааччы Н.Д. Тимофеева) куруһуок кыттыылаахтара патриотическай ырыалары толорон киэргэттилэр.