Атырдьах ыйын 29-30 күннэригэр Кыстатыам нэһилиэгэ уонна оскуолата тэриллибиттэрэ 70 сыллаах үбүлүөйдэрин бэлиэтиир тэрээһиннэр ыытылыннылар. Ыалдьытымсах дьонноох-сэргэлээх Кыстатыам сирэ-дойдута ыраахтан-чугастан кэлбит ыалдьыттарын, биир дойдулаахтарын үөрэ-көтө көрүстэ. Күн-дьыл туран биэрэн бэртээхэй тэрээһиннэр буолан аастылар.
Атырдьах ыйын 30 күнүгэр Кыстатыам нэһилиэгэ тэриллибитэ 70 сыллаах үбүлүөйүгэр аналлаах тэрээһиннэр ыытылыннылар. Дьаһал ыалдьыттар, олохтоохтор сэлэлии хаамыыларыттан саҕаланна. Салгыы кэлбит дьон Чычыпкан аннынан ааһан ыраастаныы сиэрин-туомун бардылар, алгысчыт Михаил Ефимов Аал уотун оттон айах тутта. Ол кэннэ олохтоохтор «Эвенки – низовье Лены» диэн ааттаах театрализованнай туруорууну көрдөрдүлэр. Бу туруорууну Кыстатыамтан төрүттээх эбэҥки култууратын илдьэ сылдьар, эдэр поэтесса, суруйааччы, СӨ аҕыйах ахсааннаах хотугу норуоттарын ассоциациятын ыччат сэбиэтин чилиэнэ Альбина Саввина киэргэттэ.
Оройуон баһылыгын бастакы солбуйааччы Дмитрий Татаринов, оройуоннааҕы депутаттар сэбиэттэрин (Суглан) бэрэссэдээтэлэ Юрий Шамаев, Кыстатыам баһылыга Артур Ильинов, Лииндэ нэһилиэгин баһылыга Николай Антонов, тыа хаһаайыстыбатын управлениятын салайааччыта Сергей Корякин эҕэрдэ тылларын эттилэр. Бу күн бастыҥнар үрдүк наҕараадалары, махтал суруктары туттулар. «СӨ оскуола иннинээҕи үөрэхтээһин сайдыытыгар кылаатын иһин» бэлиэни «Туйаара» уһуйаан сэбиэдиссэйэ Наталья Михайловна Иванова, «Педагог-наставник» бэлиэни нуучча тылын уонна литературатын учуутала Туйаара Трофимовна Винокурова уонна эбии үөрэхтээһин педагога Васильева Мария Сергеевна, «СӨ үөрэҕиритин туйгуна» ааты алын сүһүөх кылаас учуутала Семенова Тамара Иннокентьевна туттулар. СӨ үөрэҕин уонна наукатын министерствотын Бочуотунай грамотатын алын сүһүөх кылаас учуутала Сергеева Анастасия Николаевна, медсестра Григорьева Мария Ивановна, Махтал суругун технология учуутала Булдаков Евгений Николаевич, Константинова Ольга Евгеньевна ыллылар. «Эдьигээн оройуонун сайдыытыгар кылаатын иһин» бэлиэнэн алын сүһүөх кылаас учуутала Корякина Татьяна Валерьевна, «Нулгин» ЭКК салайааччыта Надежда Николаевна Сергеева, Эдьигээн оройуонун баһылыгын Бочуотунай грамотатынан урбаанньыт Харитонов Александр Анатольевич, киин хочуолунай хачыгаара Корнилов Петр Николаевич, уот станциятын маастара Корякин Григорий Иванович, уһуйаан иитээччилэрэ Семенова Анна Георгиевна, Иванова Татьяна Ильинична, уот станциятын машиниһа Шадрин Владимир Парфирьевич бэлиэтэннилэр. Онтон улуус баһылыгын махтал суругун оскуола техническэй үлэһитэ Семенова Надежда Марксовна, «Нулгин» ЭКК үлэһитэ Захарова Ульяна Аполлоновна, урбаанньыт Ермолаева Татьяна Ивановна. Бэйэни салайыныы сайдыытыгар кылааттарын иһин Н.В.Шемяков аатынан анал бэлиэни Сергеева Н.Н. уонна Бурцева Т.Н. ылар чиэскэ тигистилэр. «Кыстатыам нэһилиэгин бочуоттаах олохтооҕо» үрдүк ааты Васильев Алексей Алексеевич, Сергеева Мария Николаевна, Семенова Любовь Иннокентьевна, Сергеева Надежда Николаевна, Корякин Валерий Васильевич, Шемяков Афанасий Афанасьевич сүктүлэр. «Кыстатыам нэһилиэгэ сайдыытыгар кылаатын иһин» бэлиэни Корнилова Любовь Иосифовна, Никифорова Евдокия Константиновна, Семенова Тамара Иннокентьевна, Корякина Прасковья Петровна, Константинова Татьяна Васильевна, Сергеева Анастасия Константиновна, Винокуров Николай Сергеевич, Корякин Сергей Иванович ыллылар. Кыстатыам нэһилиэгин култууратын сайдыытыгар кылаатын иһин махтал суруктары Иннокентьев Дмитрий Николаевич, Софронов Айал Михайлович, Ефимов Михаил Иванович, Константинова Евдокия Николаевна, Нусугуров Николай Владимирович, Семенов Александр Георгиевич, Захарова Ульяна Аполлоновна, Шадрина Прасковья Иннокентьевна, Саввина Альбина Афанасьевна, Винокурова Вера Васильевна, Васильева Инга Ивановна туттулар. Тыа хаһаайыстыбатын управлениятын салайааччыта Сергей Корякин, Эдьигээн оройуонун дьаһалтатын «Тыа хаһаайыстыбатын сайыннарыы» муниципальнай целевой программатынан үп көрүллэн ылыллыбыт «Снегоход Буран Лидер АД» көлөнү, «Агды» таба иитиитинэн дьарыктанар община салайааччытыгар Сергей Винокуровка үөрүүлээх быһыыга-майгыга бэлэх туттарда.
Кыстатыам дьаһалтата спортка ситиһиилэрин, кылааттарын иһин нэһилиэк киэн туттар спортсменнарыгар Корякин Виталий Валерьевичка, Семенов Никифор Алексеевичка, Соломонов Александр Ивановичка, Корякин Виталий Валерьевичка, Ильинов Манчаары Аполлоновичка 15 тыһ.солк. суумалаах сертификаттары уонна култуура эйгэтигэр ситиһиилэрин иһин Саввина Альбина Афанасьевнаҕа, Харитонов Дмитрий Петровичка 10 тыһ.солк. суумалаах сертификаттары бэлэх ууннулар.
-Мин Кыстатыам нэһилиэгэр төрөөбүтүм, 7 кылааска диэри маннааҕы оскуолаҕа үөрэммитим. Төрөппүттэрим Дьяконов Николай Андреевич уонна Борисова Ираида Лазаревна Натаараттан көһөн кэлэн Кыстатыам нэһилиэгэ тэриллиитигэр, сайдыытыгар бэйэлэрин кылааттарын киллэрсибит дьонунан буолаллар. Кинилэр алта оҕоҕо күн сирин көрдөрбүттэрэ, атахтарыгар туруорбуттара. Бииргэ төрөөбүттэрим Дьокуускай куоракка, Нам улууһугар олохсуйан олороллор. Мин бэйэм 41 сыл учууталлаатым, билигин бочуоттаах сынньалаҥҥа олоробун. Дьокуускайдааҕы Физико-математическай оскуоланы бүтэрэн баран Санкт-Петербургдааҕы институтка үөрэнэн физика учууталын идэтин ылбытым. Эдьигээн орто оскуолатыгар 20 сыл учууталлаабытым, онтон 5 сыл олохтоох дьаһалтаҕа үлэлээбитим. Кэлин Дьокуускайга көһөн баран физика учууталынан бочуоттаах сынньалаҥҥа барыахпар дылы үлэлээн кэллим. Оройуон дьаһалтатыгар үлэлиир сылларбар оройуоннааҕы табаһыттар сүлүөттэригэр 1995, 1996 дуу сыллаахха Кыстатыамҥа «Чуум хаһаайката» диэн күрэҕи аан бастаан ыыппыппыт. Бу күрэх сүрүн сыалынан-соругунан чуум үлэһитин статуһун үрдэтии, сыратын-сылбатын уустугун бэлиэтээһин диэн буолбута. Ол кэнниттэн бу күрэхпит өрөспүүбүлүкэ таһымыгар биллэн биһирэммитэ. Онтон ыла сөптөөх сокуон ылыллан чуум үлэһиттэригэр хамнас ананар буолбута. Онон, мин санаабар, «Чуум хаһаайката» күрэҕи тэрийэн таба иитиитин салаатыгар сүҥкэн кылааты киллэрсибиппит диэн бэлиэтиэм этэ. Үбүлүөйдээх тэрээһиннэргэ сылдьан астынным-дуоһуйдум. Бу курдук тапталлаах дойдубут салгыы сайда-тупса, ыччатынан, хоһуун дьонунан-сэргэтинэн аатыра туруохтун, — диэн кэпсээтэ СӨ Үөрэҕириитин туйгуна уонна бочуоттаах бэтэрээнэ Наталья Николаевна Саввинова.
Олохтоох талааннар, «Юктэ» үҥкүү ансамбыла, Кыстатыамтан төрүттээхтэр күүстэринэн «Үүнэ-сайда тур, Кыстатыам!» диэн эҕэрдэ кэнсиэр туруорулунна. Уран тарбахтаах, төрүт дьарыгы илдьэ сылдьар эдэр иистэнньэҥнэр Чэмэлиинэ Охлопкова, Маргарита Семенова, олохтоох маастардар Мария Васильева, Евдокия Шадрина, Анна Никитина, СӨ норуотун маастара буола үүммүт Кыстатыамтан төрүттээх Евдокия Охлопкова, Евдокия Константинова үрдүк сыанаҕа тахсан үлэлэрин көрдөрдүлэр. Евдокия Николаевна Константинова төрүт үгэһинэн иистэнэрин таһынан, аныгылыы ньымалары туһанан эмиэ араас кэрэхсэбиллээх оҥоһуктары оҥорорун «Нулгин» ЭКК саалатыгар быыстапкалаабыт. Олохтоох дьаһалта үбүлүөйдээх лотереяны тэрийэн ыытта. Манна сыаналаах, өйдөбүнньүк бириистэр оонньоннулар. Лотерея сүрүн бирииһин телевизоры ыалдьыт, «Анаабыр алмаастара» хампаанньа суолу оҥорор тэрилтэтин салайааччыта Иннокентий Шарин сүүйдэ. Бу сүүйүүтүн Кыстатыам элбэх оҕолоох эдэр ыалыгар Марина уонна Анатолий Семеновтарга туттарда. Онтон Кыстатыам нэһилиэгин баһылыгын солбуйааччы Татьяна Кириллина сүүйүүтүн микроволновай оһоҕу бииргэ үөрэммит биир дойдулааҕын дьиэ кэргэнигэр, 30 сыл ыал буолан олорбут Зоя уонна Аполлон Ильиновтарга бэлэх уунна.
Үбүлүөйдээх тэрээһин «Көлүөнэлэр көрсүһүүлэрэ» уонна «Үрүҥ түүн» сэргэх тэрээһиннэринэн түмүктэннэ.