Тохсунньу 18 күнүгэр 2024 сылы түмүктүүр, 2025 сылы арыйар тэрээһин бэрт таһаарыылаахтык ааста.
Тэрээһин бастакы чааһа-сылы түмүктээһин, онон бастатан туран ааспыт сыл Эдьигээн оройуонугар киэн тутта ааттыыр киһибит, көҥүл тустууга сахалартан бастакы Олимпийскай чемпион Роман Михайлович Дмитриевка анаммыта. Оскуола физкультураҕа учуутала Владимир Дмитриевич Горохов спортка ситиһиилэри сырдатта. Оҕолорбут эт-хаан, өй-санаа, сиэр-майгы өттүнэн сайдалларыгар болҕомто уурулларыгар туһаайан ааспыт сыл Саха сиригэр Оҕо саас сылынан биллэриллибитэ. “Туйаара» уһуйаан сэбиэдиссэйэ Н.М.Иванова экран нөҥүө көрдөрөн иһитиннэрии оҥордо. Дьиэ кэргэн уйгуну уһансар улуу күүс буоларын дакаастаан, РФ Президенэ 2024с.-Дьиэ кэргэн сылынан биллэрбитэ. Манна олоҕуран Сергеева Н.Н., Винокурова Т.Т. иһитиннэриилэри оҥордулар, бэлэхтэри туттардылар. Ол курдук, ЗАГС отдела көрдөһүүтүнэн 2023 сыллаахха олорбуттара 50 сылын бэлиэтээбит ыалбытыгар, Мария Николаевна, Алексей Семенович Сергеевтэр дьиэ кэргэттэригэр, кыһыл көмүс буукубаннан суруллубут “Золотые семьи Якутии” буруолуу сылдьар кинигэ туттарылынна. Статья автора Сергеева Н.Н., бу дьиэ кэргэн биһиги нэһилиэкпитититтэн маннык сериялаах кинигэҕэ киирбит иккис ыал буолар. 2007 сылга эмиэ олорбуттара 50 сылларын туолбут Мария, Аполлон Ильиновтарга туттарыллыбыта. Нэһилиэккэ убаастанар, өр кэмҥэ культура салаатыгар үтүө суобастаахтык үлэлии сылдьар Анна Николаевна Гоголева-Семеноваҕа эмиэ буруолуу сылдьар “ХХ1 ВЕК. Культурные центры” кинигэ туттарылынна.
Дьиэ кэргэн сылын түмүктээн туран, Бары билэр киһибит Мария Афанасьевна Корнилова 90 сааһын туоларыгар, кыыһа Любовь Иосифовна ийэтин аатынан сылга биирдэ бэриллэр Сертификаты олохтообута. Онон Дьиэ кэргэн сылын түмүктүүр дьаһалга быйылгы сертификаттар Бастыҥ дьиэ кэргэҥҥэ уонна Оҕо саас сыл түмүгүнэн спортка ситиһиилээх оҕолорго туттарылынна. Онон бастакы харчынан бириэмийэлээх сертификаттар элбэх оҕолоох дьиэ кэргэҥҥэ Сусанна, Сергей Винокуровтарга, итиэннэ спорка ситиһиилээх оҕолорго Никифор Семеновка, Саша Соломоновка туттарылыннылар. Любовь Иосифовнаҕа, дьонун ытыктаан, аҕалаах-ийэтин ааттарын үйэтитэн, сыл аайы сертификаттары туттарарыгар бар дьонуттан махтал тыллар тиэрдилиннилэр. Салгыы Туяра Трофимовна дьиэ кэргэн сылын түмүктээн иһитиннэрии оҥордо уонна бэйэтин уокуругун үбүлүөйдээх дьонугар, анаан-минээн оҥотторбут статуэткаларын туттарда: Сергеев Савва Семенович 70, Устинова Ольга Егоровна, Шадрин Давид Алексеевич, Ефимова Людмила Ильинична -60, Григорьева Мария Ивановна -65 саастарынан.
Түмүккэ ааспыт сыл бастыҥнарыгар, олохтоох дьаһалта аатыттан Артур Ильинов махтал суруктары, өйдөбүнньүк бэлэхтэри туттарда, ол курдук, тэрилтэ салайааччыларыгар, депутаттарга, волонтердарга, ИП ларга, активнай, элбэх ситиһиилэрдээх оҕолордоох ыалга, 2025 сылга төрөөбүт бастакы оҕолоох ыалга уонна оҕоҕо-Никита Семеновка туттарылынна. Үөрүүлээх быһыыга-майгыга 2025 сыл арыллыбытынан биллэриллэн, Россияҕа, Саха сиригэр Аҕа дойдуну көмүскээччилэр сылларын чиэһигэр Бочуоттаах караул саал устун хааман киирэн, тэрээһин силигин ситэрдилэр, сэрии хонуутугар охтубут дьону кэриэстээн биир мүнүүтэ саҥата суох турдубут. Эдьигээҥҥэ төрөөбүт, сахалыы тыллаах айымньыны бастакынан суруйбут А.Я. Уваровскай төрөөбүтэ 225 сылын туоларынан Эдьигээн оройуонугар 2025 сыл ананар, онон олохтоох библиотекарь Анна Николаевна быыстапка туруоран, слайда нөҥүө сырдатыыны оҥордо.
Ааспыт сыл бүтүүтэ Кыайыы 80 сылыгар анаан илиинэн оҥоһуктарга конкурс биллэриллибитин түмүгэ таҕыста. Бастакы миэстэни бастакыннан үлэтин аҕалбыт оҕуруоннан тиһиллибит мэтээллэрдээх паннону оҥорбут Октябрина Константинова ылла, иккис миэстэ эмиэ оҕуруоннан симээбит хартыыналаах Маргарита Харитонова буолла уонна үһүс миэстэҕэ учуутал Туйаара Винокурова кылааһын оҕолорун кытта”Ильмень күөл» кумаа5ынан кырыйан оҥорбут композицияларынан таҕыстылар. Дьэ ити курдук, Саҥа Кыайыы сылын көрсө, тэрилтэлэр хордара да турда, Феврония Малгинаҕа анаммыт, дьон сүрэҕин долгутар ырыа да дьиэрэйдэ, Кыайыыны уһансабыт үҥкүү-битии да барда. Онон, тэрээһиҥҥэ кыттыбыт бары дьоммутугар барҕа махтал тылларын тиэрдэбит.
Надежда Сергеева,
«Нулгин” ЭКК директора