Балаҕан ыйын 8-10 күннэригэр сүрүн быыбары таһынан Эдьигээн улууһун Кыстатыам нэһилиэгэр олохтоохтор баһылыктарын талаллар. Территориятааҕы быыбардыыр хамыыһыйа 15 чаастаа5ы иһитиннэриитинэн Кыстатыам быыбардааччыларын 49,26% куоластатаа.
-Быыбарга дьон көхтөөхтүк кыттыыны ылар. Нэһилиэккэ 270 быыбардааччы баар, олортон бүгүҥҥү 15 чаастаа5ы көрдөрүүнэн 133 киһи куоластаата. Кыстатыамҥа пропискалаах Эдьигээн нэһилиэгэр олорор дьон оройуон кииниттэн эмиэ кэлэн куоластарын биэрэллэр, бүгүн 6 киһи кэлэн барда. Ирдэбил быһыытынан кэтээн көрөөччүлэр быыбардыыр учаастакка соруктарын толороллор. Быраабыланы кэһии суох, быыбар этэҥҥэ бара турар, — диэн Кыстыамнаа5ы 187 нүөмэрдээх быыбардыыр учаастак бэрэссэдээтэлин солбуйааччы Надежда Сергеева иһитиннэрэр.