Күөллэр, үрэхтэр муустара туран хоту сир дьоно кыстыкка бэлэмнии түбүгэр сылдьаллар. Ким балыктыыр, ким бултуур, ким муус ылар. Онтон сэтинньи 2 күнүгэр Лииндэ нэһилиэгэр, олохтоох дьаһалта көҕүлээһининэн, эр дьон оскуолаҕа, уһуйааҥҥа уонна соҕотох олорор аҕам саастаах дьоҥҥо муус ыллылар.
Эр дьон 11 чааска Баахынай үрэҕэр мустан муус ылыытын күргүөмнээхтик саҕалаатылар. Күн аҥарын устата өрүтэ мөхсөн былааннарын толордулар. Салгыы сэргэхсийэ таарыйа муустаах сыарҕаны соҺууга күрэх буолла. Бу күрэххэ Руслан Корякин тэҥнээхтэрин булбата уонна 30 лиитэрэ уматыгы сүүйдэ. Иккис миэстэҕэ Егор Слепцов тигистэ, бирииһэ 25 лиитирэ уматык. Үһүс миэстэни Иван Антонов ылла, бирииһэ 20 лиитэрэ уматык.
Бу курдук Лииндэ нэһилиэгин эр дьоно биир күнү сибиэһэй салгыҥҥа таһаарыылаахтык, туһалаахтык атаардылар.