Төрөөбүт тыл күнүгэр «Дюмия” [i]культурнай кииҥҥэ Эдьигэн оскуолатын алын кылааһын үөрэнээччилэригэр аналлаах дьаһал буолан ааста. 2 а кылаас уонна 4 а кылаас үөрэнээччилэрэ учууталларын кытта кэлэн, көхтөөхтүк кытыннылар. Ол курдук, 2 а кылаастар “Эрэйдээх буруйдаах Эр Соҕотох”, 4 а кылаастар “Ньургун Боотур” олоҥхолортон быһа тардыылары билиһиннэрдилэр. 6 а кылаас үөрэнээччитэ Айна Анисимова Суорун Омоллоон “Ачаа саһаана” диэн кэпсээни аахпытын оҕолор болҕойон олорон иһиттилэр. Түмүгэр бары оһуйохайдаатылдар.
- Оҕолор маннык дьаһалларга сылдьан,тыл туттуллуутун туһунан өйдөбүллэрэ кэҥиир, бэйэ бэйэлэриттэн үөрэнэллэр. “Итинник гыналлар эбит дии, мин да сатыахпын сөп” диэн угуйсаллар. Сүрэҕэ суох Ачаа туруорбут саһаана бэйэтигэр омсолоох өттүнэн эргийэн тахсыбытын Айна олус бэркэ тириэртэ, — диэн санаатын үллэһиннэ тэрээһини ыыппыт Михаил Ефимов.
