2025 сылга Аҕа дойду улуу сэриитигэр кыайыы 80 сылын бэлиэтиэхпит. Итинэн сибээстээн араас культурнай, патриотическай хабааннаах тэрээһиннэри ыытыы былааҥҥа киллэрилиннэ. Саҕалааһын быһыытынан ахсынньы 20 күнүгэр диэн ааттаах оройуоннааҕы театральнай көрүү- конкурс ыытылынна.
Барыта биэс коллектив кыттыыны ылла. Ол курдук, Кыстатыамтан, Баахынайтан,Бэстээхтэн уонна Эдьигээнтэн икки коллектив кытыннылар. Бэстээхтээҕи “Сарыал” сынньалаҥ киинэ Наталья Холмогорова туруоруутунан “Эргиллии» диэн музыкальнай композицияны көрдөрдүлэр, кыайан кэлбэккэлэр онлайн кытыннылар. Манна ветераннар түмсүүлэрэ, “Добун”, “Радуга” эр дьон,оҕо үҥкүү ансамблара,сүрүн оруолларга ийэ Мучиринова Нина Петровна, уол Корякин Феликс Иванович оонньоотулар.
Кыстатыамнааҕы оскуола иһинэн үлэлиир театральнай түмсүүнү саха тылын учуутала Варвара Константиновна Ильинова салайар. Манна дьарыктанар үс 8,9,10 кылаас уолаттара, үс 11 кылаас кыргыттара Тимофей Сметанин, Серафим Кулачиков-Эллэй, Сергей Васильев-Борогонскай, Гаврил Макаров-Дьуон Дьаҥылы хоһоонноруттан таҥыллыбыт испэктээги көрдөрдүлэр. Режиссер Варвара Ильинова бэйэтэ. «Түрэн»о5о театральнай түмсүүтэ Тимофей Сметанин “Саллаат уонна өлүү” диэн поэматынан режиссер Туйаара Егорова туруоруутун көрдөрдүлэр. Үс саллаат оруолларыгар 8 кылаас үөрэнээччилэрэ Петров Саша,Данилов Максим,Родиман Алексеев оонньоотулар, Өлүү персонаһын Мария Аполлонова толордо. Баахынайдааҕы «Сайдам» ЭКК «Түрэн» театральнай бөлөҕе Семен Данилов “Ийэ буор” диэн сэһэнигэр олоҕурбут «Советскай Союз Геройа Федор Кузьмич Попов, 1942-43 сылларга” литературнай дьүһүйүүнү көрдөрдүлэр. Сценарийын суруйааччы уонна туруорааччы режиссер Лианна Иванова. Оруолларга оонньоотулар: Федор Попов – Ньургустан Кириллин, Егор, колхоз бэрэссэдээтэлэ- Владимир Мандаров, Даайа- Лианна Иванова, Ийэтэ Нина Слепцова, Ньиэмэс саллаата- Василина Охлопкова, саллааттар, колхоз үлэһиттэрэ – Аэлита Николаева, Сардаана Васильева, Алгысая Слепцова, Мария Андреева. Үс түмсүүнү- “Северное сияние” оҕо фольклорнай ансамбль, “Эдиген Һохто” этнофольклорнай ансамбль, “Аникта” бөлөх кыттыылаахтарын түмэ тардан, салайааччылара Евдокия Алексеева бэйэтэ режиссердаан, патриотическай мюзикл туруорда. Айымньы “Эргиллиэм эйиэхэ, Чурапчым” диэн ааттаах Чурапчы дьонун хоту көһөрүүгэ ананна. Мюзикл жанрыгар сонун туруоруу сыалын ситтэ.
Дьүүллүүр сүбэҕэ Антонина Дмитриева- Олимпийскай чемпион Роман Дмитриев кэргэнэ, Михаил Ефимов, Варвара Васильева– «Чолигда” драмколлектив сүрүн артыыстара, Акулина Харбаева- «Эдьигээн сонуннара” редакция шеф-редактора, Раиса Петрова- Эдьигээн оскуолатын директорын солбуйааччыта киирдилэр. Кинилэр быһаарыыларынан үһүс миэстэҕэ Кыстатыам орто оскуолатын театральнай түмсүүтэ, иккис миэстэҕэ – «Эргиллиэм эйиэхэ, Чурапчым” мюзикл итэннэ бастакы миэстэҕэ – “Түрэн” оҕо театральнай түмсүүтэ тигистилэр. Ону сэргэ тэрийэр комитет анал бирииһэ –Бэстээхтээҕи “Сарыал”, дьүүллүүр сүбэ бирииһэ – Баахынайдааҕы Сайдам ЭКК туттарылынна. Бастыҥ оруол толорооччулар ааттара эр дьон ортотугар Ньургустаан Кириллиҥҥэ (Баахынай), дьахталларга — Мария Аполлоноваҕа («Түрэн» бөлөх) ананнылар.
