Эдьигээн оройуонугар аҕалар түмсүүлэрин салайааччыта Аполлон Степанов Дьокуускайга буолбут алдьархай түмүгэр эдэр киһи суорума суолламмытын истэн наһаа хараастан, санаатын үллэһиннэ.
-Хаһан баҕарар маннык түбэлтэҕэ уһуну-киэҥи толкуйдуур, ырыҥалыыр сөптөөх быһыы дии саныыбын. Итинник балаһыанньаҕа ордук –хоһу саҥарыы, миитиннэри тэрийиигэ ыҥырсыы иирсээни эбии күөртээн биэриэҕэ. Быраабы харыстыыр органнар сэлиэстийэ ыытан,тахсыбыт алдьархайга буруйдаахтары сокуон бэрээдэгинэн эппиэккэ тардыахтара диэн республика баһылыга Айсен Николаев суруйбутун итэҕэйиэҕиҥ. Иирсээни дириҥэтэн, күөртээн биэрээччилэр хаһан баҕарар баар буолаллар. Маныаха ордук эр дьон, аҕалар балаһыанньаны өйдөөн, күүркэппэккэ ыччаттарбытыгар ыллыктаах тылбытын тиэрдэрбит ордук. Киһи кыаҕын, күүһүн халбархай суолга ыыппатахха эрэ, үчүгэйгэ сирдиир, тиэрдэр диэн санаалаахпын, — диэн санаатын эттэ Аполлон Дмитриевич.