Үруҥ ромашкалары уруһуйдаатылар, төбө киэргэлин оҥоһуннулар

Кыстатыамнааҕы бибилиэтикэҕэ от ыйын 8 күнүгэр дьиэ кэргэҥҥэ аналлаах дьаһал ыытылынна. “Дьиэ  кэргэн- олох тутула» диэн тематическай  бэсиэдэни библиотекарь Анна Гоголева-Семенова ыытта.

-Манна кэлбит дьоҥҥо анаан кинигэ быыстапката  турда, ол иһигэр олохтоох ааптардар Надежда Сергеева, Любовь Корнилова төрөөбүт-үөскээбит дьиэ кэргэннэрин туһунан кинигэлэр көрдөрүлүннүлэр. Сергеевтэр ийэлэрэ Герой ийэ, Корниловтар тоҕус оҕолоох дьоһун –мааны, нэһилиэккэ убаастанар дьиэ кэргэннэр этилэр, кинилэр бэйэлэрин тустарынан дьоҥҥо-сэргэҕэ үтүө өйдөбүлү хаалларбыттара умнуллубат.  Ол кэнниттэн оҕолор дьиэ кэргэн символын — үрүҥ ромашкалары уруһуйдаатылар. Маныаха  Уус Алдантан кэлэн сынньана сылдьар, 7 кылаас үөрэнээччитэ Айна Гоголева бастыҥ уруһуйдьут аатын ылла.  Оттон улахаттар тыыннаах сибэккилэри хомуйан, веноктары  өрдүлэр. Эдэр эбээ, кулууп үлэһитэ Инга Васильева  хоп-хойуу бөдөҥ сибэккилэрдээх  киэргэли төбөтүгэр кэтэн кэбиспитэ олус кэрэтик көһүннэ уонна бастыцынан билинилиннэ, — диэн кэпсээтэ Анна Николаевна.