Күн иккис аҥарыгар «Мэйээн уола» национальнай многоборье күрэҕин кыттыылаахтара ох саанан ытыы, хапсаҕай уонна уолаттар 60 киилэлээх, эр дьон 90 киилэлээх кууллаах кумаҕы көтөҕүү көрүҥнэргэ күөн көрүстүлэр.
Күрэх түмүктэрэ:
• Ох саанан ытыы:
• Оҕолорго: I миэстэ — Павел Феоктистов (35 очко), II — Александр Петров (21 очко), III — Михаил Христофоров (14 очко).
• Эр дьоҥҥо: I миэстэ — Александр Рассадин (49 очко), II — Сергей Захаров (32 очко), III — Гаврил Ширяев (28 очко).
• Хапсаҕай:
• Оҕолорго: I миэстэ — Михаил Христофоров, II — Евгений Устинов, III — Остап Анисимов.
• Эр дьоҥҥо: I миэстэ — Александр Рассадин, II — Сергей Захаров, III — Афанасий Степанов.
• Кууллаах кумаҕы көтөҕүү:
• Оҕолорго: I миэстэ — Александр Петров (200 миэтэрэ — рекорд), II — Остап Анисимов (140), III — Евгений Устинов (125).
• Эр дьоҥҥо: I миэстэ — Сергей Захаров (112), II — Егор Горохов (107), III — Александр Рассадин (100).
Уопсай түмүк:
• Оҕолорго «Мэйээн уола»:
• I миэстэ — Остап Анисимов (бирииһэ: велосипед уонна сахалыы быһах),
• II миэстэ — Евгений Устинов (сотовай төлөппүөн),
• III миэстэ — Александр Петров (туурист сээкэйэ).
• Анал бириистэри Виктор Корнилов (6-с миэстэ), Сулустаан Иннокентьев (5-с миэстэ) уонна Михаил Христофоров (4-с миэстэ) ыллылар.
• Эр дьоҥҥо «Мэйээн уола»:
• I миэстэ — Александр Рассадин (50 тыһ. солк.),
• II миэстэ — Гаврил Ширяев (30 тыһ. солк.),
• III миэстэ — Сергей Захаров (20 тыһ. солк.).
• Анал бириистэри Егор Горохов (5-с миэстэ) уонна Кирилл Дьяконов (4-с миэстэ) туттулар.
— 2013 сыллаахха үөлээннээҕим Константин Овчинников этиитин ылынан, аан бастаан «Дыгын оонньууларыгар» күрэхтэспитим. Онтон ыла национальнай многоборьенан дьарыктанан, араас таһымнаах күрэхтэргэ кыттан, дойдум аатын ааттаппытым. Эдьигээҥҥэ бу спорт көрүҥэ улаханнык сайда илик диэн санааттан, маннык күрэҕи тэрийэргэ санаммытым. Үүнэр көлүөнэ ыччаппытыгар национальнай многоборьены билиһиннэрэр, көҕүлүүр сыаллаах «Мэйээн уола» күрэхпитин доҕотторум уонна спонсордар өйөбүллэринэн 2019 сыллаахха аан бастаан Эдьигээҥҥэ ыыппытым. Оччолорго Эдьигээн оройуонуттан эрэ буолбакка, Бүлүүттэн кытта кэлэн 15 эр бэрдэ күөн көрсүбүтэ. 2022 сылтан ыла күрэхпит Кыстатыам оскуолатын саалатыгар, Эдьигээннээҕи спортивнай оскуолаҕа оскуола саастаах уолаттарга тиһигин быспакка ыытыллар буолла. Тоҕо «Мэйээн уола» диэн ааттаатым диир буоллаххытына, дойдубуттан ырааҕа суох Мэйээн диэн үрэххэ оттоон, балыктаан, бултаан улааппыт, буутум этэ буспут төрөөбүт сирим буолар. Бүтэһигин 2023 сыллаахха дойдубар кэлэн, тэрийсибитим. Билигин анал байыаннай дьайыыга кыттыыны ыла сылдьабын. Быйылгы күрэхпит уратытынан, кыттааччылары оскуола оҕолоругар уонна эр дьоҥҥо арааран, алта көрүҥүнэн ыыттыбыт. Дойдубар кэлэн олус үөрдүм. Ордук Р.М. Дмитриев аатынан саҥа спортзал үлэҕэ киирэн, нэһилиэнньэ дьарыктанарыгар сүрдээх үчүгэй усулуобуйа тэриллибитин көрөн астынным. Быйыл элбэх спортсмен кыттыбытыгар дириҥник махтанабын. Уус-Алдантан Гаврил Ширяев, Дьокуускайтан Артур Портнягин кыттыбыттара күрэхпит таһымын үрдэттэ. Маннык күрэхтэртэн ыччаппыт үүнэн-сайдан тахсыахтара диэн эрэнэбин, — диэн Николай Лесовой бэйэтин санаатын үллэһиннэ.
Николай Лесовой ийэтэ Анна Афанасьевна анал бирииһин Кирилл Дьяконовка туттарда. Ис дьыала отделын начальнига Иван Варламов бэйэтин анал бириистэрин Павел Феоктистовка уонна Егор Гороховка туттарда. Сүрүн бириистэри Николай Лесовой туруорда, ону сэргэ спонсордар күүс-көмө буоллулар.