Кыстатыам нэһилиэгин 187 №-дээх быыбардыыр учаастагар Судаарыстыбаннай Дуума IX ыҥырыы дьокутааттарын быыбара уонна оройуоннааҕы мунньах (Суглан) дьокутааттарын талыы быыбара бэрт сэргэхтик саҕаланна.
Быыбардыыр чаас иннинэ учаастак бэрэссэдээтэлэ Надежда Сергеева инструктаж аахта, ол кэннэ нэһилиэк баһылыга Артур Ильинов эҕэрдэ тылын эттэ. Кэтээччилэр иннилэригэр быыбардыыр хамыыһыйа дьааһык кураанаҕын көрдөрдө. Ол кэннэ сарсыарда 8 чааска быыбардааһын саҕаланна.
Аан бастакынан нэһилиэк ытык кырдьаҕаһа Алексей Сергеев гражданскай иэһин толордо. Ону тэҥэ, аан бастакытын быыбарга кытынна уонна куоластаата сокуоннай сааһын туолбут Николай Сергеев. Киниэхэ олохтоох дьаһалта өйдөбүнньүк бэлэх туттарда.