Быыбар иккис күнүн 20 чаастааҕы улуустааҕы киин быыбардыыр хамыыһыйа иһитиннэриитинэн Лииндэ нэһилиэгэр 98 (60,12%) киһи куоластаата. Бүгүн 188 №-дээх быыбардыыр учаастак чилиэннэрэ быыбарга дьиэ кэргэнинэн кэлэн куоластааһын элбээбитин, итиэннэ эдэр дьон көхтөөх кыттыыны ылалларын бэлиэтииллэр. Эдьиийдии-балыстыы Аэлита Николаева уонна Лиана Иванова быыбардааһын иккис күнүгэр национальнай таҥастарын кэтэн, оҕолорун илдьэ быыбарга кытыннылар.
-Мин балтыбынаан Лианалыын оҕолорбутун илдьэ эбэҥки национальнай таҥаспытын кэтэн быыбарга кытынныбыт. «Быыбарга дьиэ кэргэнинэн» бүтүн Арассыыйатааҕы акцияҕа кыттыыны ылбыппытыттан киэн туттабыт, ордук оҕолор астыннылар. Таҥастарбытын ийэм Марианна Валерьевна Ильинова, эбэбит Ульяна Семеновна Ильинова уонна биир дойдулаахпыт Татьяна Семеновна Ефимова тигэллэр. Бүгүн «Сайдам» сынньалаҥ киин үлэһиттэрэ дьаарбанка тэрийэн быыбар күнүн сэргэхситтилэр, — диэн кэпсээтэ Аэлита Николаева.
Всейсемьей.рф #всейсемьей #всейсемьей14