Эдьигээн улууһун Бэстээх нэһилиэгэр муус ылыытыгар улахан субуотунньук буолла. Олохтоохтор көхтөөхтүк муус ылан байыаннай дьайыыга сылдьар уолаттар ийэлэригэр, соҕотох олорор аҕам саастаах уонна доруобуйаларынан хааччахтаах дьоҥҥо тиэйдилэр. Уопсайа 20 ыалы ыраас муус уутунан хааччыйдылар.
-Анал байыаннай дьайыыга сылдьар дьон дьиэ кэргэттэригэр олохтоох дьаһалта, нэһилиэнньэ куруутун көмөлөһөллөр, өйүүллэр. Ол курдук быйыл кыһын иһэр уубар анаан муус ылан аҕалбыт бар дьоммор, олус үөрэн туран, барҕа махталбын тиэрдэхпин баҕарабын. Үтүө санааҕыт уҕараабакка, чөл чэгиэн туруккутун ыһыктыбакка, эрчимнээхтик үлэлии-хамныы сылдьыҥ диэн баҕа санаабын тиэрдэбин. Дьол-соргу, үөрүү-көтүү тулалыы сырыттыннар! Ситиһии сиэтиилээх, табыллыы тардыылаах буолуҥ, — диэн махталын тиэртэ байыаннай дьайыыга сылдьар байыас ийэтэ Анастасия Егоровна Иванова.