Төрөөбүт тыл уонна сурук-бичик күнүн көрсө, СӨ Оҕо саас сылынан сибээстээн Бэстээх нэһилиэгин «Сарыал» сынньалаҥ киинигэр «Хоһоон алыптаах ыллыгар» уһуйаан иитиллээччилэригэр уонна алын кылаас оҕолоругар хоһоон күрэҕэ буолла.
Хоһоон күрэҕэр уһуйаан саамай кыра иитиллээччилэрэ Пахомова Сандаара, Докторов Богдан, Митясов Айхал уонна Влада Самсонова «Оҕо саас», улахан бөлөх иитиллээччилэрэ Ванесса Митясова «Оҕо дьоло» уонна Ганя
Корякин «Оҕо саас» хоһооннору аахтылар. Алын сүһүөх кылаас үөрэнээччилэрин истэригэр маҥнайгы кылаас үөрэнээччилэрэ Инесса Митясова «Үчүгэй үөрэнээччи», Айчылаана Трапезникова «Оҕо барахсан», иккис кылаастар София Острова «Бэскэ үүммүт мээчик», Василина Быскасова «Төрөөбүт буор таптала», үһүс кылаастар Гаврильева Виолетта «Оҕо саас ырыалара», Пахомова Пелагея «Оҕо саас», Самсонов Слава «Оҕо саас өрөгөй ырыата», төрдүс кылаастар Корякина Ребека «Уйгууна уонна Айыына», Слепцова Алиса «Кыыс мичээрэ», Коля Митясов «Албынчык оҕо», Вениамин Гаврильев «Оҕо дьоло» хоһооннору доргуччу аахтылар.
Дьүүллүүр сүбэ кыттааччы хоһоону ааҕарын, сыанаҕа хайдах тутта-хапта сылдьарын, таҥаһын-сабын көрөн кыайыылааҕынан маҥнайгы кылаас үөрэнээччитэ Айчылаана Трапезникова ааттанна.
Бүгүҥҥү тэрээһиҥҥэ хоһоон эрэ буолбакка саха суруйааччыларын айымньыларынан боппуруостарга эппиэттээһин, таабырын таайыыта буолла. Саамай билиилээх оҕолорунан Стасик Андросов уонна Вениамин Гаврильев ааттаннылар.Тэрээһиҥҥэ кыттыбыт оҕолорбутугар махталбытын тиэрдэбит уонна төрөөбүт төрүт тылларын өрө туталларыгар баҕарабыт, — диэн тэрийээччи Наталья Холмогорова кэпсээтэ.