Эдьигээн орто оскуолатыгар уруйдаах Олоҥхо, дьүрүһүйэр Хомус күннэригэр аналлаах элбэх тэрээһиннэрдээх декада ыытылла турар. Ол чэрчитинэн бүгүн “Олоҥхо алыптаах эйгэтэ” диэн сонун күрэх кылаастар икки ардыларыгар ыытылынна. Барыта олоҥхо күрэҕэр аҕыс кыттааччы киирдэ.
Ол курдук, 2”а”, 3”а”, 4”а” уонна 6”а”,8”а” холбоһуктаах бөлөхтөрө күргүөмүнэн кытыннылар, ону сэргэ Саввинова Саяна (1 а), Касьянова Арияна (2а), Егорова Настя (10 кыл) биирдиилээн күрэстэстилэр. Бу күн олоҥхо толоруутугар бастакы тэрээһинэ буолан, оҕолорго олоҥхо хомоҕой тылынан хоһоонноохтук саҥарарга ирдэбил турда. Толорооччулар бары анал ааттарга тиксэн добун суруктары туттулар. Биирдиилээн толорооччулартан кырачаан олоҥхоһуттар Касьянова Арияна, Саввинова Саяна ордук биһирэннилэр. Дьүүллүүр сүбэ күргүөмүнэн толорооччулар ортолоругар «Эрчимэн Бэргэн” олоҥхоттон быһа тардан иһитиннэрбит 6а, 8а холбоһуктаах бөлөҕөр (учуутал Т.В.Охлопкова) «Бастыц толороооччу” анал ааты иҥэрдэ.
Аны декада чэрчитинэн оскуола үөрэнээччилэрин, төрөппүттэри сэтинньи 30 күнүгэр күргүөмүнэн хомуска оонньууга угуйар биир сэргэх тэрээһин күүтэр.
