Бүгүн Саха Өрөспүүбүлүкэтин күнүн көрсө Эдьигээн нэһилиэгэр эбэҥки норуотун чулуу уолун, общественнай уонна судаарыстыбаннай диэйэтэлэ Николай Шемяков бюһун иннигэр өрөгөйдөөх митинг буолла.
Бу бэлиэ күнү көрсө, биһиги өрөспүүбүлүкэбитин олохтообут улуу дьоммутугар, төрөөбүт дойдубутун сайыннарбыт бары көлүөнэлэргэ дириҥ махталларын тириэртилэр (Суглан) оройуоннааҕы депутаттар мунньахтарын бэрэссэдээтэлэ Юрий Шамаев, Эдьигээн нэһилиэгин депутаттарын сэбиэтин депутата Римма Егорова уонна оройуон дьаҺалтатын ыччат политикатыгар уонна спорка отделын специалиһа Виолетта Алексеева.
Бу күн «Звездочка» уһуйаанын физинструктора Лидия Атласова СӨ Ил Түмэн сүбэ мунньаҕын сис кэмитиэтин аҕыйах ахсааннаах хотугу норуоттар боппуруостарын уонна Арктика дьыалаларын бэрэссэдээтэлэ Елена Голомарева махталын, СӨ «Авиалесохрана» тэрилтэтин махтал суругун Юрий Филатов туттулар. Елена Храмова «Эдьигээн нэһилиэгин бочуоттаах олохтооҕо» ааты ылла.
Тэрээһини «Дьүрүйээнэ» фольклорнай бөлөх, Эдьигээн орто оскуолатын 2 «а» кылааһын үөрэнээччилэрэ, «Юктэ» үҥкүү ансаамбыла, «Дулин Буга» эр дьон ансамбыла э5эрдэ нүөмэрдэринэн киэргэттилэр.
Тэрээһин оһуохайынан уонна автопробегынан түмүктэннэ.