Кыстатыам эр дьоно, табаһыт, булчут сыдьааннара, өбүгэ саҕаттан күүстээх үлэни өрө туппут дьон. Аҕа күнүгэр аҕалар түмсэн, улахан субуотунньукка та5ыстылар. Манна эдэр аҕалары тэҥэ эмэн саастаахтар көхтөөхтүк кытыннылар. 75 саастаах Афанасий Афанасьевич Шемяков эдэрдэрин үлэҕэ көҕүлээн, тэбис-тэҥҥэ үлэлэстэ. Ол курдук, үрэхтэн бөһүөлэккэ тиэрдэр суолу хаартан, муустан ыраастаан, техника сылдьарыгар табыгастаах гына көннөрдүлэр. Итини барытын эр дьон харыларын күүһүнэн оҥордулар. Ити курдук кинилэр уу суолунан кэлиэхтээх «Якутопторг» таһаҕаһын сүөкүүргэ суолу бэлэмнээтилэр. Бүгүн, алтынньы 16 күнүгэр, сарсыарда Эдьигээнтэн Кыстатыамҥа сыллааҕы бородуукталарын тиэйиилээх хаачар суолга турунна. Онон бородууктаны ыскылаакка тиэйэн таһааран, оннун булларарга эр дьону өссө биир күүстээх субуотунньук кэтэһэр.
Кыстатыам эр дьоно аҕа күнүгэр субуотунньукка таҕыстылар
