51 сыл бииргэ олорбут Кыстатыам кырдьа5ас ыала- Мария Николаевна уонна Алексей Семенович Сергеевтар- хаҺан баҕарар быыбарга бииргэ сылдьаллар. Ол үгэстэриттэн бүгүн да туораабатылар, сарсыарда эрдэ бастакылар истэригэр кэлэн Россия Президенин иһин куоластарын биэрдилэр.
-Биһиги иккиэн Кыстатыам төрүт олохтоохторобут, үлэлиир-хамсыыр сааспыт эмиэ манна аастаҕа. Ааспыт сылга үйэ аҥара бииргэ олорбут үбүлүөйбүтүн бүтүн бөһүөлэгинэн түмсэн кулуупка бэлиэтээбиппит. Оҕолорбут бары туспа ыаллар, Эдьигээҥҥэ олороллор, сиэннэрдээхпит, хос сиэннэрдээхпит. Олох эдэр сааспытыттан быыбарга бастакынан тиийэр үгэстээхпит. Бу быыбар биһиги дойдубутугар- Россияҕа олус суолталаах. Маннык уустук кэмҥэ дойдубут кэнэҕэски кэскилин кимҥэ туттарарбытын быһаарыы хас биирдиибит куолаһыттан тутулуктаах. Онон биир дойдулаахтарбытын бука бары бу үс күн устата быыбарга кэлэн, бэйэҕит быһаарыныыгытын биллэриҥ диэн ыцырабыт, — диир ыал аҕа баһылыга Алексей Семенович.