Бүгүн, олунньу 13 күнэ- Ийэ тыл уонна сурук-бичик күнүгэр Кыстатыам олохтоохторо үгэс курдук “Нулгин» этнокультурнай кииҥҥэ сахалыы дьыктаан суруйуутугар түмүстүлэр. Быйылгы дьыктаан тиэкиһэ биир дойдулаахпыт, Олимпийскай чемпион Роман Дмитриевка ананна. Педагогическай үлэ ветерана Бурцева Татьяна Николаевна чуолкай куолаһынан ааҕан, суруйтарда.
Ити кэнниттэн олохтоох оскуола нуучча тылыгар уонна литературатыгар учуутала Туйаара Винокурова мустубут дьону оһуохайга ыҥырда. Кэлбит дьону алгыстаах алаадьынан, үүттээх чаайынан күндүлээтилэр.
