Лииндэ нэһилиэгин баһылыга, Олох-дьаҺах коммунальнай хаһаайыстыбата, «Сайдам» ЭКК өйөбүлүнэн, бүгүҥҥү сааскы ылааҥы өрөбүл күнү туһанан Баахынай үрэҕэр сынньалаҥ базатын оҥорон саҕалаатылар.
Былаан быһыытынан, манна хаҥкылыыр, сырылыыр, шашлыктыыр анал миэстэ баар буолуоҕа. Сынньалаҥ базатыгар кэлбит дьон сырылыыр тэриллэри уонна хаҥкылары уларсыахтарын сөп. Арендаттан киирбит үбү-харчыны сайынын о5олор сынньанар былаһааккаларын тупсарыыга туттар былааннаахтарын, бу бырайыагы көҕүлээччилэр иһитиннэрэллэр.
Бу күн ыччаты оскуола директора Аэлита Николаева уонна предприниматель Егор Слепцов көҕүлээн таһаарыылаах субуотунньугу тэрийбиттэр.