20 сыл устата общественнай тэриллээһин таһаарыылаахтык үлэлии-хамныы сылдьара аныгы кэмҥэ сэдэх көстүү, онон истэргэ астык. Өссө биир кэрэхсэбиллээҕэ – бу сыллар тухары түмсүүнү тэрийбит Светлана Ионовна Ефимова бэйэтинэн утумнаахтык салайан кэллэ. Ол курдук, “Оһуор” эбээлэрэ түмсүүлэрин далбар хотуттара быйыл тэриллибиттэрэ 20 сылларын туолуохтара, сыллата оҥорор үтүө дьыалалара элбээн, кэккэлэрэ хаҥаан иһэрэ эмиэ хай5аллаах суол. . Ону бэлиэтээһин кулун тутар 21 күнүгэр “Дюмия” культура дьиэтигэр ыытыллыаҕа
-Бастаан пенсионердар сэбиэттэрэ диэн аатынан тэриллибиппит. Ити 2005 сыллаахха этэ. Салгыы биир интэриэскэ санаабытын ууран, Ньэбээлэр түмсүүлэрэНь буолуоҕуҥ диэн сүбэлэспиппит. Ол интэриэспит – иистэнии ньымаларын баһылааһыҥҥа туһаайыллыбыта. Бастакылар аҕыс этибит- Сантонова Мария Михайловна, Карпова Светлана Николаевна, Александрова Надежда Михайловна, Алексеева Людмила Георгиевна, Васильева Зоя Семеновна, Слепцова Татьяна Семеновна, Гаврильева Нина Егоровна. Ол саҕана Мария Михайловна уонна Зоя Семеновна дьоҥҥо биллэр оҕуруону, быысапканы баһылаабыт иистэнньэҥнэр этэ. Онон ким тугу сатыырынан, бэйэ бэйэбитин үөрэтиһэн дьарыктанан барбыппыт. Ити сыл Наталья Слепцова,Мария Иванова , Христина Матвеева, Мария Халысова, Марфа Софронова, Анна Протопопова,Варвара Владимирова биһиги түмсүүбүтүгэр киирэн, 15 буолбуппут. Бииргэ иистэнэн, оҕуруолаан, быысапкалаан,сатабылга үөрэнэн, хас биирдиибит илиититтэн оҥоһуктар тахсаннар, үөрэр-көтөр этибит. Онон 2006 сылтан тэриллэн, оһуор-бичик дьарыгар уһуйуллан, онтон ситимнэнэн үөскээбит түмсүүбүтүн НьоһуордарНь диэн ааттаабыппыт, — диэн кэпсиир салайааччылара Светлана Ефимова.
Онтон салгыы Евдокия Алексеева , Надежда Прокопьева,Христина Павлова,эдьиийдии-балтылыы Зоя Аполлонова, Евдокия Охлопкова, Варвара Игнатьева,Тамара Ксенофонтова түмсүүгэ киирбиттэрэ, кэккэлэрэ сыллата хаҥаан испитэ. Хас биирдиилэрэ туох эрэ уратылаах хаһаайкалар, онон дьарыктара да ол тэҥинэн үксүү турар. Иис, о5уруо, оҕуруот,теплица үүнээйитин, сибэкки арааһын олордуу, көрүү-харайыы, үүннэрии, хардарыта көмөлөсүһүү, өйөбүл буолуу, а5а саастаах дьон быһыытынан дьону-сэргэни тэрээһиннэргэ угуйуу, көҕүлээһин кинилэр олохторун күннээҕи көстүүтэ буолар.
Кулун тутар 21 күнүгэр «Дюмия» культура киинигэр кэллэххитинэ, бу үтүөкэн дьон бүгүҥҥү күннээҕи олохторун-дьаһахтарын,дьарыктарын туһунан өссө элбэҕи билиэххит-көрүөххүт. Эһиэхэ анаан «Оһуор» түмсүү быыстапката туруоҕа, сөбүлүү көрбүт оҥоһуккутун атыылаһыаххытын сөп. Ырыа-тойук түһүлгэтэ тэриллиэҕэ. Соһуччу үөрүүлээх түгэннэр да баар буолуохтара.