Кыстатыамнааҕы оҕо саада сайдарыгар, тупсарыгар «Туйаара» детсадка өр кэмҥэ сэбиэдиссэйдээбит Элляева Галина Иосифовна, СӨ Үөрэҕириитин Туйгуна, «Үүнэр көлүөнэни иитиигэ кылаатын иһин» бэлиэлэр хаһаайкалара билигин даҕаны сүҥкэн кылаатын киллэрэ сылдьар. Ол курдук сыл устата үлэлэригэр уһулуччу ситиһиилэрдээх иитээччилэргэ, педагогтарга бириэмийэ олохтообута. Быйыл Галина Иосифовна 2 улэһиккэ бириэмийэтин тиксэрдэ. Биирдэстэрэ — оскуола иннинээҕи салааҕа директоры солбуйааччы Иванова Наталья Михайловна, кини XIX өрөспүүбүлүкэтээҕи педагогическай дьаарбаҥкаҕа оҕо-саад бырайыагын көмүскээн Горнай улууһун үөрэҕирии управлениетын 12000 солк. Гранын ылары ситистэ. Ону таһынан Үөрэх уонна оҕо кинигэтин киинэ «Айар» тэрийбит «Педагогика творчества» көрүү-күрэххэ Наталья Михайловна методическай «Моделирование с помощью рыбьих костей» босуобуйатын сырдатан, Республика таһымыгар педагогическай опыты тарҕатта диэн Сертификаты туппута. Иккистэрэ- — эбии үөрэхтээһин педагога Васильева Мария Сергеевна. Оскуола иннинээҕи үөрэх эйгэтигэр үлэлээбит 45 сыллаах үлэтин түмүгэ босуобуйа буолан таҕыста.
Опыттаах уһуйааччы оҕону иитиигэ кылаата
