Олунньу 19 күнүгэр Дойдуга Арассыыйа норуоттарын сомоҕолоhууларын, Саха сиригэр култуура сылларыгар, «Орончикан» уһуйаан тэриллибитэ 10 сылыгар уонна Ийэ тыл уонна сурук-бичик күнүгэр аналлаах оскуола иннинээҕи саастаах оҕолорго бастакы оройуоннааҕы «Уруйдан-айхаллан оҕо саас» хоһоон күрэҕэ буолан ааста. Манна «Орончикан» уһуйаан иитиллээччилэрин таһынан, кэтэхтэн Лииндэ уонна Кыстатыам нэһилиэктэриттэн оҕолор көхтөөх кыттыыны ыллылар.
Дьүүллүүр сүбэ чилиэннэринэн оройуоннааҕы үөрэҕирии салалтатын специалиһа Саввинова Евгения Валерьевна, «Звездочка» уһуйаан методиһа Корякина Дария Капитоновна уонна бэрэссэдээтэлинэн Кыстатыам нэһилиэгэр оҕо уһуйааныгар өр сылларга сэбиэдиссэйинэн үлээлээбит педагогическай үлэ бэтэрээнэ Элляева Галина Иосифовна үлэлээтилэр. Кинилэр кыттааччы хоһоону дорҕоонноохтук ааҕарын, сыанаҕа хайдах тутта-хапта сылдьарын, таҥаһын-сабын көрөн кыайыылаахтары быһааран бу курдук түмүктэри таһаардылар: 3-4 саастаах оҕолорго: «Добун сурук 3 үрдэл» — Иванова Инесса («Орончикан» уһуйаан), «Добун сурук 2 үрдэл» — Иванова Валеанна («Орончикан» уһуйаан), «Добун сурук 1 үрдэл» — Рассадина Дарина («Орончикан» уһуйаан), «Добун сурук «Бастыҥ ааҕааччы» — Торговкина Кира (Лииндэ оскуола-уһуйаана). 4-5 саастаах оҕолорго: «Добун сурук 3 үрдэл» — Слепцов Герман («Орончикан» уһуйаан), «Добун сурук 2 үрдэл» — Соломонова Кыыдаана («Орончикан» уһуйаан), «Добун сурук 1 үрдэл» — Захаров Арсен («Орончикан» уһуйаан), «Бастыҥ ааҕааччы» — Степанов Марк («Орончикан» уһуйаан). 5-6 саастаах оҕолорго: «Добун сурук 3 үрдэл» — Сергеева Айгылаана («Орончикан» уһуйаан), «Добун сурук 2 үрдэл» — Ким Денис («Орончикан» уһуйаан) «Добун сурук 1 үрдэл» — Семенов Павлик («Орончикан» уһуйаан), «Бастыҥ ааҕааччы» — Григорьева Нарыйаана («Орончикан» уһуйаан). 6-7 саастаах оҕолорго: «Добун сурук 3 үрдэл» — Софронов Спартак («Орончикан» уһуйаан), «Добун сурук 2 үрдэл» — Винокуров Андрей, Иванова Туйгууна («Туйаара» уһуйаан), «Добун сурук 1 үрдэл» — Элляев Сулустан («Туйаара» уһуйаан), «Бастыҥ ааҕааччы» — Захаров Проня («Туйаара» уһуйаан).
Маны таһынан кыттааччылар анал ааттаах добун суруктары, минньигэс бэлэхтэри эмиэ туттулар. Бу курдук хайысхалаах тэрээһин оҕолор төрөөбүт төрүт саха тылларын, культуратын, фольклорун тута сылдьалларыгар, тыл суолтатын өйдүүллэригэр, дьоһуннаах дьон буола улааталларыгар олус туһалаах уонна бигэ тирэхтээх буолар. Билиҥҥи кэмҥэ саха оҕолоро ийэ тылларын билбэккэ улаатан, бэйэлэрин сахалыы өйдөрүн-санааларын, быһыыларын-майгыларын улам сүтэрэн иһэллэр. Уус-уран айымньы көмөтүнэн оҕону сахалыы тыыҥҥа өбүгэлэрбит олохторун-дьаһахтарын билиһиннэрэрбит оҕо тылын саппааһын байытар, уустаан-ураннаан кэпсииригэр көмө буолар. Ол курдук, саха уус-уран айымньытын оҕолорго кыра саастарыттан үөрэттэххэ, кинилэргэ бу сахабыт тыла судургутук иҥэрин бэлиэтиибит.
Светлана Константинова, «Орончикан» уһуйаан иитээччитэ.