Ыһыах кэмигэр мас тардыһыытыгар эр дьоҥҥо, уолаттарга, дьахталларга, кыргыттарга, ону сэргэ хапсаҕайга, таас көтөҕүүтүгэр эр дьон ортолоругар күрэхтэр буоллулар.
Саамай элбэх кыттааччы мас тардыһыытыгар холонно. Эр дьоҥҥо Петр Канаев (Динамо), кыргыттарга Жарникова Дарина, дьахталларга – Захарова Сардаана, уолаттарга Шемяков Иван муҥутуур кыайыылаахтарынан буоллулар. Хапсаҕайга 80 кг. диэри эр дьоҥҥо Николаев Алексей (баһаарынай чаас), уолаттарга Филиппов Аслан.,80 кг. үөһэ эр дьоҥҥо Давыдов Эрхан чемпион үрдүк аатын ситистилэр. 104 киилэлээх тааһы көтөҕүүгэ бастакы миэстэни Митясов Иван (40 м.), иккиһи – Семен Корякин (20 м):, үсүһү – Бүлүүттэн сылдьар Илья Бенецкий (9 м. 14 см.) ыллылар.
Быйыл аан бастаан «Ыһыах хоһууна–2025» диэн күрэх ыытылынна уонна интэриэһи тарта. Күрэҕи көрөөрү элбэх киһи стадиоҥҥо тоҕуоруһа муһунна. Манна 10 эр бэрдэ кииристилэр Соломонов Михаил Иванович, Васильев Эрэл Иванович, Захаров Сергей Прокопьевич Кыстатыамтан, Митясов Иван Прокопьевич Бэстээхтэн, Ильинов Василий Михайлович Баахынайтан, Степанов Афанасий Афанасьевич, Николаев Алексей Геннадьевич, Иванов Прокопий Николаевич, Сорокин Алкивиад Васильевич Эдьигээнтэн. Кинилэр барыта биэс көрүҥҥэ күрэстэтэстилэр: сахалыы атах оонньуута «үс төгүл үс», мас тардыһыыта, хапсаҕай (ыйааһыҥҥа арахсыыта суох), 400 метргэ сүүрүү, 90 киилэлээх тааһы көтөҕүү. «Үс төгүл үс ыстаныыга» 29,38 м ыраахха ыстанан Васильев Эрэл бастыҥ түмүгү көрдөрдө. 1м.25 сөк устата 400 м сүүрэн Александр Рассадин бастыҥ сүүрүүк, ону сэргэ бастыҥ мадьыны, бастыҥ хапсаҕайдьыт ааттанна. Таас көтөҕүүтүгэр 157 м. баран, Алкивиад Сорокин барыларын ырааҕынан бырахта, кини кэнниттэн 152 м. тиэрдэн Александр Рассадин үчүгэй көрдөрүүнү ситистэ.
Онон түмүккэ «Ыһыах хоһууна–2025» үрдүк ааты Александр Рассадин ситистэ. Иккис миэстэҕэ – Иванов Прокопий, үһүскэ- Сорокин Алкивиад таҕыстылар. Александр Рассадин көрдөрүүтэ: «үс төгүл үс» – 2, сүүрүү, мас тардыһыыта, хапсаҕай – 1, таас көтөҕүүтэ – 2. Прокопий Иванов «үс төгүл үс» – 3 (28,47), сүүрүү – 2 (1 м. 27 сөк), мас тардыһыыта – 2, хапсаҕай – 4, таас көтөҕүүтэ – 4 (120 м) миэстэ буолла. Алкивиад Сорокин үс төгүл үс – 4 (27,88), сүүрүү – 4 (1,35), мас тардыһыыта – 5, хапсаҕай – 8, таас көтөҕүүтэ – 1миэстэни ылла.
